निर्माणाधीन थाहा बसपार्कमा निर्माण हुने भनिएको आधुनिक बसपार्कको टर्मिनल भवन आज एक कार्यक्रमका बीच शिलान्यास गरिएको छ । साढे सात  करोडको लागतमा निर्माण हुने बसपार्कको टर्मिनल भवनको  नगरपालिकाका उपप्रमुख भरत गोपालीले शिलान्यास गरेका हुन ।

पहिलो चरणको कार्यक्रममा साढे सात करोडको लगानीमा  टर्मिनल भवन , बगैंचा , रेष्टुरेन्ट , सपिङ स्टल , अपाङ्गमैत्री शौचालय , गाडीका चालकलाई आराम गर्ने कक्ष ,ग्यारेज ,प्रहरी बिट  पक्की सडक , सडक बत्ती सहितका संरचनाहरू निर्माण गरिने आयोजना कम्पनी सि एण्ड ब्रदर्स कन्तर्कसन साइट इन्जिनियर नवराज खनियाले जानकारी दिए ।

शिलान्यास कार्यक्रममा थाहा नगरपालिकाका उपप्रमुख भरत गोपालीले गुणस्तरीय भौतिक संरचनाको निर्माणमा जोड दिन आग्रह गर्दै निर्माण हुन लागेको संरचनाको सबैले निगरानी गर्नुपर्नेमा जोड दिएका थिए । उपप्रमुख गोपालीले निर्माणमा गुणस्तरीयता र  समयमै निर्माण गर्न निर्माण कम्पनीलाई आग्रह गरे ।

शिलान्यास कार्यक्रममा थाहा बसपार्क व्यवस्थापन समितिका उपाध्यक्ष राम बहादुर खत्री, बसपार्क व्यवस्थापन समितिका सदस्यहरु, अच्युत केसी, सुरेन्द्रमान प्रधान, अरुण लामा, इप्रका प्रमुख श्याम थापा मगर लगायत स्थानीयको उपस्थिति रहेको थियो।