सप्तरीका पत्रकारहरु आन्दोलनमा उत्रिएका छन् ।

जिल्ला प्रशासन कार्यालयले कार्यालय परिसरमा फोटो, भिडियो खिच्न रोक लगाएपछि पत्रकारहरु बिहीबारबाट आन्दोलनमा उत्रिएका हुन् । पत्रकार महासंघ सप्तरीको अगुवाईमा आज दोस्रो दिन पनि उनीहरूले राजविराजमा प्रदर्शन गरेका छन् ।

सप्तरीका सहायक प्रमुख जिल्ला अधिकारी लेवन काश्यप अधिकारीले बुधबार सूचना जारी गरी विना अनुमति प्रशासन कार्यालय परिसरको फोटो भिडियो खिची सामाजिक सञ्जाल, अनलाइन सञ्चार माध्यम तथा पत्रपत्रिकामा राख्न नपाइने बताएका थिए ।

बिहिबार साँझ जिल्ला प्रशासन कार्यालयले बिज्ञप्ती जारी गर्दै उक्त सुचना फिर्ता लिएको जनाए । तर यता पत्रकार महासंघले क्षमायाचना सहित सुचना फिर्ता, प्रेस स्वतन्त्रताको ग्यारेन्टी तथा पत्रकार कुटपिटमा संलग्न प्रहरीलाई कारबाहीको सुनिश्चिता नभएसम्म संघर्षरत रहने जनाएका छन् ।