राष्ट्रिय स्वतन्त्र पार्टी (रास्वपा) को प्रथम महाधिवेशन स्थल जलमग्न बनेपछि आइतबार बिहान भ्याकुममार्फत पानी तानिएको छ।

चितवनको भरतपुरस्थित गेस्टहाउस चौरमा आयोजित महाधिवेशन उद्‌घाटन स्थल गएरातिको वर्षाका कारण जलमग्न बनेको छ। महाधिवेशनको औपचारिक कार्यक्रम सुरु गर्ने बेलासम्म पनि चौरमा जमेको पानी सुक्ने नदेखिएपछि भ्याकुम ट्यांकरमार्फत तानिएको हो।

महाधिवेशनको औपचारिक कार्यक्रम दिउँसो २ बजे सुरु हुनेछ। महाधिवेशन उद्घाटन रास्वपाका सभापति रवि लामिछाने र प्रधानमन्त्रीसमेत रहेका रास्वपाका वरिष्ठ नेता बालेन शाहले गर्ने कार्यक्रम छ।

राष्ट्रिय स्वतन्त्र पार्टी (रास्वप) ले प्रथम राष्ट्रिय महाधिवेशनका निम्ति चार हजार २११ प्रतिनिधि निर्धारण गरेको छ। असार ९ सम्म चल्ने महाधिवेशनले सत्तारूढ दल रास्वपाको नयाँ नेतृत्व चयन गर्नेछ।