नेकपा (एमाले) को ११औं महाधिवेशनका लागि भएको प्रतिनिधि छनोट निर्वाचनमा बागमती प्रदेशका श्रम, रोगगार तथा यातायातमन्त्री जयराम थापा पराजित भएका छन्।

काठमाडौँ निर्वाचन क्षेत्र नम्बर ४ बाट खुल्लातर्फ प्रतिनिधिको उम्मेदवार बनेका थापा पराजित भएका हुन् थापाले  २ सय १ मत प्राप्त गरेका थिए । खुलातर्फ दुई प्रतिनिधि छनोटका लागि १३ जना उम्मेदवार रहेका थिए।

यो क्षेत्रमा सबै गरी पाँच जना प्रतिनिधिका लागि भएको निर्वाचनमा श्रीकृष्ण श्रेष्ठ, उद्धव खरेल, सुनिता गुरुङ, सरस्वती कार्की र प्रकाश कटुवाल निर्वाचित भएका छन्।

पाँच जना प्रतिनिधिका लागि यस क्षेत्रमा २७ जनाको उम्मेदवारी दर्ता भएको एमाले काठमाडोँका अध्यक्ष दीपक निरौलाले जानकारी दिए।