काठमाडौँको चन्द्रागिरिमा आज (शनिबार) बिहान गाडीले मोटरसाइकललाई ठक्कर दिँदा एक जना गम्भीर घाइते भएका छन्।

बलम्बु प्रहरी प्रभागका प्रहरी निरीक्षक उपेन्द्रप्रसाद आचार्यका अनुसार चन्द्रागिरि नगरपालिका–१ र नागार्जुन नगरपालिकाको सीमा विन्दबासिनी गेटमा बागमती प्रदेश ०१ ०२५च ९२४३ नम्बरको गाडी र बागमती प्रदेश ०१७ प १०९ नम्बरको मोटरसाइकल आपसमा ठोकिएका हुन्।

दुर्घटनामा एक जना गम्भीर घाइते भएको र उनलाई कलंकीस्थित सहिद मेमोरियल अस्पताल पठाइएको उनले जानकारी दिए।  ‘हामी भर्खर घटनास्थल आइपुगेका छौँ’, प्रहरी निरीक्षक आचार्यले भने, ‘विस्तृत कुरा बुझ्नै बाँकी छ।’