नेपाली शेयर बजारमा आज उत्साहजनक सुधार देखिएको छ। शेयर सूचक नेप्से परिसूचक १३.५१ अङ्कले बढेर २,०३०.५५ बिन्दुमा पुगेको छ।

जलविद्युत् र निर्जीवन बीमा समूहको शेयरमा उच्च मूल्य वृद्धि भएको छ। पिपुल्स हाइड्रोपावरको शेयर १० प्रतिशतले बढेर सकारात्मक सर्किट लागेको छ भने साम्लिङ्ग पावर कम्पनीको शेयर पाँच प्रतिशतभन्दा बढीले घटेको छ।

आज ८९ लाख २९ हजार कित्ता शेयर रु ३ अर्ब १९ करोड बराबरमा कारोबार भएका छन्। सबैभन्दा बढी नेपाल रिइन्सुरेन्स कम्पनीको शेयर रु ५६ करोडमा किनबेच भएको छ।