धनुषाको मुखियापट्टी गाउँपालिकाका अध्यक्ष जयकुमार यादवमाथि भएको आक्रमणमा संलग्न रहेको आरोपमा दुई जनालाई प्रहरीले पक्राउ गरेको छ।

जिल्ला प्रहरी कार्यालय धनुषाको टोलीले आक्रमणमा प्रयोग गरिएको स्कोर्पियो गाडीका चालक अशोक राउत र मियाज अलीलाई पक्राउ गरेको हो।

पक्राउ परेका राउत जनकपुरधाम-१९ का र अली जनकपुरधाम-७ का बासिन्दा हुन्। उनीहरुलाई जनकपुरधाम-१९ बेंगासिहपुरबाट नियन्त्रणमा लिइएको प्रहरीले जनाएको छ।

प्रहरीको नियन्त्रणमा मधेस प्रदेश ०२ ००१च १०४७ नम्बरको गाडी पनि रहेको छ। अध्यक्ष यादव बिहीबार राति आफ्नो निवास फर्कँदै गर्दा आक्रमणमा परेका थिए।