हेटौंडा / प्रेस चौतारी नेपालको मकवानपुर साखा कार्यालयको आज औपचारिक उद्घाटन भएको छ ।

हेटौंडा उपमहानगरपालिका वडा नम्बर ४ मा रहेको यो कार्यालयको उद्घाटन प्रेस चौतारी नेपालका महासचिव हिरामान लामाले गरेका हुन ।

कार्यक्रममा बोल्दै महासचिव लामाले यो कार्यालयबाट प्रेस चौतारीले आफ्ना आन्तरिक गतिविधि र समाचार लेखन कार्यलाई थप प्रभावकारी बनाउन सक्ने बताए । यसैगरी प्रेस चौतारी नेपालका सचिव तथा बागमती प्रदेश इन्चार्ज विष्णु तारुकेले पनि यो कार्यालयले छरिएर रहेका पत्रकारहरूलाई एकताबद्ध गर्न सहयोग पुर्याउने बताए ।

कार्यक्रममा प्रेस चौतारी नेपालका मकवानपुरका पदाधिकारी, सदस्य तथा अन्य पत्रकार संगठनका प्रतिनिधिहरूको उपस्थिति रहेको थियो । प्रेस चौतारी नेपाल मकवानपुरका अध्यक्ष बालकृष्ण अधिकारीको अध्यक्षतामा कार्यालयको औपचारिक उद्घाटन गरिएको थियो ।