धनगढी उपमहानगरपालिकाले अवैध संरचनामा डोजर चलायो

पालिका डायरी
१७ कार्तिक २०७९
धनगढी उपमहानगरपालिकाले अवैध संरचनामा डोजर चलायो

कैलालीको धनगढीमा मापदण्ड विपरीत बनेका संरचना हटाउन सुरु गरिएको छ ।

हिजाे बुधवारदेखि धनगढी उपमहानगरपालिकाले वडा नम्बर १ कैलाली पुलदेखि वडा नम्बर ८ क्याम्पस चोक सडक छेउका संरचना हटाउन डोजर चलाएको हो । यसअघि भदौ १३ मा उपमहानगरपालिकाले सडक छेउका संरचना हटाउन पत्राचार गरेको थियो।्

सडकको विस्तृत योजना प्रतिवेदन (डीपीआर) तयार भइरहेको र सडकको दायाँ–बायाँ १५ मिटर सडक अधिकार क्षेत्रभित्र पर्ने भवन हटाउन घर धनीलाई पत्राचार गरेको थियो । तर घरधनीहरुले त्यसको बेवास्ता गरेपछि उपमहानगरपालिकाले संरचना हटाउन थालेको हो ।

संरचना हटाउन कार्यस्थलमा पुगनुभएकी धनगढी उपमहानगरपालिकाकी उपमेयर कन्दकला रानाले महानगरपालिकाले पत्राचार गर्दा बेवास्ता गरेकाले संरचना भत्काउन थालेको बताउनु भयो । उहाँले हिजाे बुधवारदेखि सुरु भएको अभियानलाई निरन्तरता दिने पनि बताउनु भयो ।

मापदण्ड विपरीत बनेका संरचना हटाउने अभियान पछिल्लो समय देशव्यापीरुपमा बढ्दै गइरहेको छ । यसअघि काठमाण्डौ, पोखरा ममहानगरपालिका र हेटौँडा उपमहानगरपालिकाले पनि अवैध संरचानहरुमा डोजर चलाएको थियो ।

प्रतिक्रिया
FINAL.00_00_02_17.Still009_fXgH1LLR7b