हेटौंडा / राष्ट्रिय युवा संघ नेपाल, भीमफेदि गाउँ कमिटिको प्रथम पूर्ण वैठक शुक्रबार भीमफेदिमा सम्पन्न भएको छ ।

कार्यक्रम राष्ट्रिय युवा संघ भीमफेदी गाउँ कमिटी अध्यक्ष बादल सिलवालको सभा अध्यक्षतामा भएको हो । कार्यक्रममा नेकपा एमाले भीमफेदी गाउँ कमिटी अध्यक्ष सानू थापाको प्रमुख अध्यक्षता रहेको थियो भने युवा संघ जिल्ला कमिटी सचिवालय सदस्य अनिल अधिकारी, जिल्ला सदस्यहरु टासी लामा, प्रकाश सिलवाल, छिरिङ लामा, रचिन डंगोलको आतिथ्यता रहेको थियो ।

बैठकले आउँदो संघ र प्रदेशको चुनावलाई लक्षित गरी विभिन्न विभागका विभागिय प्रमुख लगाएत आधा दर्जन नयाँ सदस्यहरु मनोनित गरेको छ । साथै बैठकले आगामी प्रतिनिधि सभा तथा प्रदेश सभा निर्वाचनलाई लक्षित गरी अन्य महत्त्वपूर्ण निर्णय गरेको अध्यक्ष बादल सिलवालले जानकारी दिए ।