साउदी अरबको एक क्लबले रोनाल्डोलाई अफर गर्‍यो ३० करोड युरोको डील

पालिका डायरी
३१ असार २०७९
साउदी अरबको एक क्लबले रोनाल्डोलाई अफर गर्‍यो ३० करोड युरोको डील

सुपरस्टार फूटबलर क्रिस्टियानो रोनाल्डोलाई साउदी अरबको एक क्लबले ३० करोड युरोको डील अफर गरेको छ ।

यो डील रोनाल्डोले स्वीकार गरे भने फूटबल इतिहासमै सबभन्दा बढी तलब खाने खेलाडी बन्नेछन् । कुन क्लबले यो अफर गरेको भनी खुलाइएको छैन । तर रोनाल्डोले केही दिनअघि म्यानचेस्टर युनाइटेड छोड्न मन लागेको बताएका थिए ।

करीयरको अन्तिम चरणमा रहेका रोनाल्डोले च्याम्पियन्स लीगमा खेल्न इच्छा गरेका छन् र यस सीजनमा म्यानचेस्टर युनाइटेड सेलेक्ट नै भएन । रोनाल्डोले युनाइटेडका लागि प्रि सीजन ट्रेनिङ समेत नगरी परिवारसँग थाइल्यान्डमा छुट्टी बिताइरहेका छन् । तर युनाइटेडका कोच एरिक टेन ह्यागले रोनाल्डोसँग कुरा गर्ने र क्लबमै राख्ने बताएका छन् ।

प्रतिक्रिया