पाकिस्तानको संसदले सोमबार विपक्षी नेता शहबाज सरिफलाई देशको २३ औं प्रधानमन्त्रीको रूपमा निर्वाचित गरेको छ। संसदको सबैभन्दा ठूलो दल इमरान खान नेतृत्वको पार्टी पाकिस्तान तेहरिक ए इन्साफ (पीटीआई) का सांसदहरूले निर्वाचन बहिष्कार गरेपछि सरिफ निर्विरोध प्रधानमन्त्री चयन भएका हुन्।

एक हप्ता लामो संवैधानिक संकट आइतबार इमरान खानले विश्वासको मत गुमाएपछि चरम सीमामा पुगेको थियो। अपदस्थ प्रधानमन्त्री खान र उनको पार्टीका अधिकांश सांसदहरूले मतदान शुरु हुनुअघि नै विधानसभाबाट राजीनामा दिएका थिए।

७० वर्षीय शहबाज तीन पटकका प्रधानमन्त्री नवाज शरीफका कान्छा भाइ हुन्, जसलाई सर्वोच्च अदालतले २०१७ मा सार्वजनिक पदमा बस्नबाट रोक लगाएको थियो र त्यसपछि १० वर्षको जेल सजाय भोगेको केही महिनापछि उपचारका लागि विदेश गएका थिए।