श्रीमतीको हत्या गरेको अभियोगमा प्रहरीले एक जनालाई पक्राउ गरेको छ।

श्रीमती ४४ वर्षीया सुकुमाया तामाङलाई चिरपट र ढुंगा प्रहार गरी हत्या गरेको अभियोगमा चौतारा साँगाचोकगढी नगरपालिका-१ स्याउले बस्ने ४४ वर्षीय दाउरे भन्ने मेखबहादुर तामाङलाई प्रहरीले पक्राउ गरेको हो। उनी मंगलबार राति पक्राउ परेका हुन्।

घरायसी बादबिबादको क्रममा तामाङले श्रीमतीलाई चिरपट र ढुंगा प्रहार गर्दा गम्भीर घाइते भएको भन्ने खबर प्राप्त हुनासाथ जिल्ला प्रहरी कार्यालय सिन्धुपाल्चोकबाट खटिएको प्रहरीले उनलाई पक्राउ गरेको हो।

गम्भीर घाइते सुकुमायाको जिल्ला अस्पताल चौतारामा उपचारको क्रममा मृत्यु भएको हो। घटनाबारे प्रहरीले अनुसन्धान गरिरहेको जनाएको छ।