चुलाे नजिकै सुताएका शिशुको ज्यान गयो, आमा घाइते

पालिका डायरी
१० माघ २०७८
चुलाे नजिकै सुताएका शिशुको ज्यान गयो, आमा घाइते

रुकुम पश्चिममा घरको चुलाे नजिकै सुताएका एक नवजात शिुशुको जलेर ज्यान गएको छ । चौरजहारी नगरपालिका ६ शान्तिबजारमा आज बिहान ओछ्यानमा आगो सल्किएर १९ दिने नवजात शिशुको ज्यान गएको हो ।

सुतिरहेको ओछ्यानमा आगो सल्किँदा रिमबहादुर रोकाका १९ दिने शिशु सुनिलकाे जलेर ज्यान गएकाे हो । बच्चालाई जोगाउन खोज्दा २४ वर्षीया आमा निर्मला रोकाका दुई वटै हात पोलाेर घाइते हुनुभएको छ ।

चुलाे नजिक ओछ्यान रहेको र आगो सल्किएपछि शिशुको ज्यान भएको इलाका प्रहरी कार्यालय चौरजहारीका प्रहरी निरीक्षक (इन्स्पेक्टर) कृष्ण डाँगीले जानकारी दिनुभयो ।

घाइते हुनुभएकी आमा चाैरजहारी अस्पतालमा उपचारपछि घर जानुभएकाे छ । आमा कामले कोठाबाहिर गएका बेला ओछ्यानमा आगो सल्किएको बताइएकाे छ ।

प्रतिक्रिया