विभिन्न जिल्लामा भएका सवारी दुर्घटनामा परेर गएको २४ घण्टामा चार जनाको मृत्यु भएको छ।

त्यसैगरी यस अवधिमा गाडी दुर्घटनामा परेर १८५ जना घाइते भएका प्रहरीले जनाएको छ। सुनसरी, सप्तरी, कपिलवस्तु र कालिकोटमा भएका सवारी दुर्घटनामा चार जनाको मृत्यु भएको हो।

यसअवधिमा भएका सवारी दुर्घटनामा परेर कर्णालीमा १०, गण्डकीमा ३, बागमतीमा ६, काठमाडौँ उपत्यकामा ३२, कोसीमा २४, मधेसमा ६०, लुम्बिनीमा ३९ र सुदूरपश्चिम प्रदेशमा ११ जना घाइते भएका छन्।