मकवानपुरको राक्सिराङ गाउँपालिका–५ बोटबारी नजिक इलाका प्रहरी कार्यालय मनहरीबाट खटिएको प्रहरी टोलीले लागूऔषध गाँजासहित दुई जनालाई पक्राउ गरेको छ।

प्रहरीका अनुसार बोटबारीबाट मनहरीतर्फ आउँदै गरेको बा.प्र.०३-००५ प ९९२२ नम्बरको मोटरसाइकललाई शंका लागी चेकजाँच गर्दा, सोही मोटरसाइकलमा सवार मकवानपुर मनहरी गाउँपालिका–७ का २४ वर्षीय रविन तामाङ र सोही स्थानका २४ वर्षीय बलराम थिङले प्लास्टिकको बोरामा राखेको ३ किलो २०० ग्राम गाँजा फेला परेको थियो।

प्रहरीले दुबै जनासहित उक्त मोटरसाइकललाई नियन्त्रणमा लिई इलाका प्रहरी कार्यालय मनहरीमा राखी थप अनुसन्धान भइरहेको जनाएको छ।