मकवानपुरको बकैया गाउँपालिका ६ बुर्जडाड्मा बाख्राको खोरमा आगलागी हुँदा लाखौंको क्षति भएको छ ।

स्थानीय रवी वाईबाको घरमा रहेको बाख्राको खोरमा आगलागि हुँदा लाखौंको क्षति भएको हो । मंगलबार बिहान १० बजेको समयमा गोठमा सल्किएको आगोमा परेर पाँचवटा खसीबाख्रा मरेका छन् ।

पाँचवटा खसीबाख्रा भने गम्भीर घाइते भएको बकैया ६ का वडाध्यक्ष फूलमान भोम्जनले जानकारी दिए । उक्त आगलागीबाट गोठ जलेर पूर्ण नष्ट भएको छ ।