हेटौंडा / मंसिर ४ गते हुने निर्वाचनको लागि यतिबेला उम्मेद्वारहरु मतदाताको घरदैलोमा पुगेका छन् ।

जनतासँग मत फकाउनको लागि उनिहरुले विभिन्न तरिका अपनाउने गरेका तस्बिरहरु यतिबेला सामजिक सञ्जालमा सार्वजनिक भैरहेको छ । यसै क्रममा मकवानपुरको प्रतिनिधिसभा क्षेत्र नंबर १ अन्र्तगत प्रदेशसभा ‘क’ का उम्मेद्वार प्रेमबहादुर पुलामी ‘छिन्तु’ले कोदो टिप्दै गरेको फोटो सार्वजनिक भएको छ ।

पूर्वि मकवानपुरको बागमती गाउँपालिकामा पुगेका छिन्तुले हातमा कचिया बोकेर कोदो टिप्न बारीमा पुगेको तस्बिर सामजिक सञ्जालमा आएपछि त्यसको विभिन्न कोणबाट प्रतिक्रिया आएका छन् ।