राम कुमार दानी

हेटौंडा / नेकपा एमालेका तर्फबाट मकवानपुर क्षेत्र नम्बर–२ का उम्मेदवार महेश कुमार बर्तौलाले मकवानपुरमा नेपाल कम्युनिष्ट पार्टी एमालेको बिकास र बिस्तारमा महत्वपुर्ण भुमिका खेल्ने नेता वीर बहादुर लामाको नाममा स्थानियले निर्माण गर्न लागेको पार्क व्यवस्थापन, बिकास र संरक्षणमा आफुले ध्यान दिने बताए ।

मकवानपुरको इन्द्रसरोवर गाउँपालिका वडा नम्बर–४ मा एमाले वडा कमिटीको आयोजनामा गरिएको अगुवा कार्यकर्ता भेलालाई संबोधन गर्दै उनले राजधानी काठमाडौ र बागमती प्रदेशको राजधानी हेटौंडा जोड्ने पहिलो सडक खण्डलाई संरक्षण गर्ने बताए । फाखेलमा तामाङ्ग समुदायको बाहुल्यता रहेकोले तामाङ्ग समुदायको ईतिहास संस्कृति देखिने साँस्कृतिक संग्राहलय निर्माणमा आफुले ध्यान दिने बताए ।

बर्तौलाले बिरोध खतिवडाले एमालेको कार्यकर्तालाई फोन गरेर एमालेलाई खरानी बनाउन पर्याे भन्दै हिडेको सुनेकोले त्यस्तो हर्कत नगर्न चुनौती पनि दिए । उनले छ महिना मन्त्री हुँदा एमालेले गरेको सबै राम्रो निर्णय स्विकार्न नसकेर विकासको नाममा माखो नमारेको बिरोधले फेरि यहि क्षेत्रको जतालाइ झुक्याउदै कांग्रेस र माओवादीको ढाडमा चढेर फटाहा विरोध मै हो भन्दै आइरहेकोले अब फटाहा बिरोधको पछि नलागी चनाखो भै बिश्वासका साथ सूर्यमा मतदान गरि हाम्रो संघ र प्रदेश सबै ठाउँमा निर्वाचित गराए आफुले बोलेको सबै पूरा गर्ने प्रतिबद्धता व्यक्त गरे ।

ईन्द्रसरोवर गाउँपालिका वडानम्बर ४ मा कुमार लामाको संयोजगत्व र बिक्रम थोकरको सह संयोजनमा २४३ सदस्यीय निर्वाचन परिचालन कमिटी चयन गरिएको छ ।