बालेनको डोजर आज कोटेश्वरमा गुड्ने

पालिका डायरी
१९ भाद्र २०७९
बालेनको डोजर आज कोटेश्वरमा गुड्ने

काठमाडौँ महानगरपालिकाको अनधिकृत संरचना हटाउने अभियान आज कोटेश्वर पुग्दै छ। सडक मिचेर अवैध ढङ्गले खडा भएका संरचना भत्काउने महानगरले बताएको छ । कोटेश्वर पुलिस प्रभागबाट दिउँसो साढे ४ बजे उक्त अभियान शुरु हुने बताइएको छ ।

महानगरले ३५ दिने सूचना नै निकालेर यस्ता संरचना हटाउन आग्रह समेत गरेको थियो । अटेर गरेर सूचनाको अवज्ञा गर्नेहरुका घर टहरालाई महानगर आफैले हटाइरहेको छ । सडक किनारमा रहेका फुटपाथमा हिँडडुल,आवतजावतमा असहज हुने गरी गरिएको व्यापार व्यवसायलाई बल प्रयोग गरेर भए पनि प्रतिबन्ध लगाउने मेयर बालेनको दाबी छ ।

यस्तै मेयर बालेन्द्र साहले महानगरको जिम्मेवारी सम्हालेको आज १०० दिन पुगेको छ । यस अवसरमा उनले १०० दिनमा आफूले चालेको प्रमुख कामहरूमा अवैध संरचना हटाउनेदेखि फोहोर व्यवस्थापन, इ स्पोर्टका लागि १ करोड ब्यवस्थापन,र्यापर यम बुद्धको शालिक निर्माणबारे लामो व्याख्या गरेका छन् ।

प्रतिक्रिया