हेटौंडा /  मकवानपुरको हेटौंडा-११ नवलपुरको नयाँ राप्ती पुल तल खोला किनारमा मृत अवस्थामा भेटिएका पुरुषको पहिचान खुलेको छ ।

शव हेटौंडा-१ चौकीटोल घर भएका ५२ वर्षीय मधु भन्ने तेजप्रसाद देवकोटा रहेको जिल्ला प्रहरी कार्यालय मकवानपुरले जनाएको छ । आईतबार दिउँसो देवकोटाको शव खोला किनारमा छेउमा घोप्टो परेको अवस्थामा भेटिएको थियो ।

स्थानीयले शव देखेपछि प्रहरीलाई खबर गरेका थिए । देवकोटाको स्थायी घर चौकीटोल भएपनि परिवारबाट अलगिएर विगत ३/४ वर्षदेखि नवलपुर बस्दै आएका थिए ।  घटनाको आवश्यक थप अनुसन्धान भइरहेको प्रहरीले जनाएको छ ।