हेटौंडा / मकवानपुरको ईन्द्रसरोवर गाउँपालिका–२, बतासे स्थित भीमफेदी–कुलेखानी-काठमाडौं सडक खण्डमा आज करिब साँझ ४:५० बजे ना.१ ज ६९५६ नम्बरको टाटा सुमो दुर्घटना भएको छ।
मकवानपुर प्रहरीका अनुसार, बिरगंजतर्फबाट काठमाडौं जाँदै गरेको सुमो अचानक ब्रेक जाम हुँदा अनियन्त्रित भई सडकमा पल्टिएको हो। सुमोमा चालकसहित ९ जना सवार थिए।
दुर्घटनामा अन्दाजी ४५/५० वर्षकी एक महिलाको टाउकोमा सामान्य चोट लगेको छ। उनलाई प्रहरी पुग्नुअघि नै उपचारका लागि काठमाडौंतर्फ पठाइएको जानकारी दिएको छ । अन्य यात्रुहरू सुरक्षित रहेका छन्।
दुर्घटनाका कारण सडकमा कुनै अवरोध नभएको प्रहरीले जानकारी दिएको छ।
