सहयोगी मन नेपालका अध्यक्ष केदारप्रसाद चौलागाईंले अन्तर्राष्ट्रिय सोसल अवार्ड प्राप्त गरेका छन् ।

क्रियटिभ मिडियम एण्ड इभेन्ट म्यानेन्ट प्रा.लि ले हरेक बर्ष प्रदान गर्दै आएको अवार्ड २०२३ मा सहयोगी मन नेपालका अध्यक्ष चौलागाईंलाई प्रदान गरिएको छ । मलेसियाको क्वालाम्पुरमा भएको एक कार्यक्रमका बीचमा सामाजिक सेवा मार्फत नेपाली समाजमा पुर्याएको योगदानको उच्च मुल्यांकन गर्दै अवार्ड प्रदान गरिएको बताइएको छ ।

मलेसियाका लागि नेपाली राजदुत डिल्लिराज पौडेलद्वारा आज सामाजिक सेवामा खटेका सहयोगी मन नेपालका अध्यक्ष चौलागाईंलाई चौथो अन्तर्राष्ट्रिय सोसल अवार्ड २०२३ बाट सम्मानित गरिएको हो । सामाजिक सेवामा निम्ति काम गरिरहेको सहयोगी मन नेपालले मकवानपुर सहित अन्य जिल्लाहरुमा दुखी पीडित समुदायहरुको लागि मुख्य भूमिकामा रहेर सेवा प्रदान गर्दै आएको छ ।

कोरोना संक्रमणका कारण लकडाउन हुँदा कोहि भोको बस्न नपरोस् भन्दै रासनको सामान बोकेर घरघर पुगेर वितरण गरेका थिए । यस सँगै यस संस्थाले विभिन्न सामाजिक क्षेत्रमा पनि उल्लेखनिय योगदानहरु पुर्याउँदै आएको छ ।
यो अवार्डले समाजसेवा गर्न थप हौसला प्राप्त भएको चौलागाईले बताए ।