हेटौंडा / हेटौंडा उपमहानगरपालिका वडा नम्बर–१५ मा मन्दिर र तटबन्दन निर्माण कार्यको शिलान्यास गरिएको छ । रातोमाटे दमार टोलमा महारुद्रेश्वर मन्दिरको मङलबार एक कार्यक्रमको बिच शिलान्यास गरि निर्माण कार्य सुरु गरिएको छ । शिलान्यास हेटौंडा उपमहानगरपालिका –१५ का वडा अध्यक्ष सुनिल मुक्तानले गरेका हुन ।

बागमती प्रदेशको संस्कृति तथा पर्यटन मन्त्रालयको २० लाख रुपैयाँ लागतमा महारुद्रेश्वर मन्दिर निर्माण सुरु गरिएको अध्यक्ष मुक्तानले जानकारी गराए । यसैगरी रातोमाटेमा तटबन्दनको निर्माणको अध्यक्ष मुक्तानलेनै शिलान्यास गरेका हुनका छन् । वडा कार्यालयको शिलिङमा रहेको कुल ६ लाख रुपैयाँ लागतमा तटवन्धनको काम गर्न लागिएको मुक्तानले जानकारी दिए ।

हेटौंडा उपमहानगरपालिकाले पुस १४ गते भएको १२ औं नगरसभाले आर्थिक वर्ष २०७८र०७९ को स्वीकृत वार्षिक कार्यक्रम अन्तर्गत वडा स्तरीय कार्यक्रम समयमै कार्यकुशलता पुर्बक कार्यान्वयन गर्ने क्रममा १४ र १५ नम्बर वडालाई पुरस्कृत गरिएको थियो । पुरस्कृत हुनेमा वडा नम्बर १४ पहिलो र वडा नम्बर १५ दोस्रो भएको थियो । शिलान्यास कार्यक्रममा आफ्नो छोटो भनाइ राख्दै मुक्तानले भने अब मुल्यांकन हुने कार्यसम्पादनमा पहिलो हुने जानकारी गराए उनले सबै वडाबासिलार्इ आफुले जिम्मा लियको कामलार्इ समयमै सम्पन्न गर्न पनि आग्रह गरे ।