हेटौंडा / अनेरास्ववियु मकवानपुरले आज मुल्यवृद्धिको विरुद्धमा प्रदर्शन गरेको छ । सरकारले गरेको अस्वभाविक मूल्यवृद्धिको विरूद्धमा हेटौंडाको बुद्ध चोकमा विरोध प्रदर्शन गरेको हो ।

एलपी ग्यास, पेट्रोलियम पदार्थ, खाद्यान्न लगायत अन्य उपभोग्य वस्तुहमा भइरहेको चर्को मूल्य बृद्धिको विरुद्धमा अनेरास्ववियुले आन्दोलन गरेको हो। हेटौंडाको बुद्धचोकमा मूल्य वृद्धि फिर्तागर्, दलालहरु होसियार, आकासिंदो महंगी नियन्त्रण गर, सडक हामी तताउँछौ- मूल्य वृद्धि घटाउँछौं, गठबन्धन सरकार मूल्य वृद्धि उपहार जस्ता नाराबाजी गर्दै अनेरास्ववियुले बिरोध प्रदर्शन गरेका थिए ।

उक्त कार्यक्रम अनेरास्ववियु मकवानपुर जिल्ला कमिटी संयोजक अमृत वर्तौलाको नेतृत्वमा, नेकपा एमालेका जिल्ला सचिव नविन सिग्देल,अनेरास्ववियु केन्द्रिय सदस्य तथा मकवानपुर ईन्चार्ज भुवन मैनाली, लगाएतको उपस्थितमा भएको थियो ।